أخبار عاجلة
الرئيسية / Blog / إذا أردت الإصلاح ابدأ من الداخل .. وإليك الأمثلة 👇🏻

إذا أردت الإصلاح ابدأ من الداخل .. وإليك الأمثلة 👇🏻

على مدار 10 سنوات كاملة، حاصر الإغريق حصن طروادة المنيع وكل محاولاتهم في اختراق أسوارها باءت بالفشل، فإبتكروا حيلة ذكية، صنعوا حصان خشبي ضخم مجوف من الداخل كي يختبئ بداخله أقوى المحاربين الإغريق، وتظاهر باقي المحاربين باليأس والإنسحاب، وقدموا الحصان ده كهدية ورسالة إستسلام لملك طروادة، في الوقت اللي الجواسيس داخل طروادة أقنعوا الملك أن الحصان بالفعل هدية سلام وإنهاء للحرب بينهم، فالملك قبل الهدية ودخل الحصان أسوار المدينة وسط إحتفالات الأهالي والمحاربين بإنتصار طروادة على الإغريق، وفي سكون الليل والناس نيام والمحاربين الطروادين ثملوا من الشرب في الإحتفال، خرج المحاربين الإغريق من الحصان وقتلوا الحراس وفتحوا بوابات طروادة لباقي الجيش ليحرق المدينة وأهلها ويبيدها بالكامل ! 

الحيلة دي هي نفس الحيلة اللي بيستخدمها فيروس الإيدز عشان يخترق جسم الإنسان، وده اللي جعله – رغم ضعفه – من أخطر الفيروسات على الإطلاق، لأنه لا يعلن الحرب علانية أبدًا

بيغير من شكله ويدخل الجسم متخفي كأنه من خلايا الجسم فيخدع الدم ويخترق أنظمة الدفاع .. وهوب يحقن الخلايا بتاعتك أو كرات الدم البيضاء بالـ RNA بتاعها ويحولها لنسخة منه، ويبدأ يتكاثر ويكون جيشه على هذا المنوال، ومن فجره بقى إن أول جهاز بيستهدفه هو أغلى جهاز عندك، جهاز الدفاع بتاعك (الحراس) أو خلايا المناعة فيقضي عليه تمامًا، وبالتالي جسمك لو أصيب بحبة برد أو كحة ممكن يقضوا عليه نهائيـًا. 

ورغم دروس الطب والتاريخ، فـمازلنا بنخاف على بلدنا من أعدائها خارج الأسوار !! وسايبين حكومات الإيدز تسرق وتنهب خيرها وتقتل وتسجن شبابها وتبيع أرضها وتسجن اللي بيدافع عن أرضها، وتخلق الإرهاب بأيديها وتدعي محاربته .. بنتغني بالمؤامرات الكونية وسايبين الحصان جوا .. لا وبنحتفل بيه كمان !!

مازلنا بنخاف على ديننا من الملحدين اللي بيعلنوا الحرب على الدين علانية، وسايبين اللي بيدعوا إنتماءهم للدين كي يهدموا ثوابته وأصوله ويحرفون الكلم عن مواضعه، سايبين شيوخ الإيدز اللي بيحقـنوا عقول الشباب ضعاف الإيمان بفكرهم الإرهابي بإسم الدين، وما كان من شيوخ السلطان إلا أن يخطبوا على المنابر عن فضل الصلاة والصوم والصدق والأمانة ثم يرفعوا أكف الضراعة إلى الله أن يبارك لهم في سلطانهم.     

ألم يأنِ لنا أن نفيق، وندرك أن من يعلن الحرب علانية هو آخر أعدائنا ؟

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: