الرئيسية / Blog / “إنت يومك بسنة” مقولة  عامية مشهورة لكن طلعت حقيقة علمية إزاي ؟؟؟؟👇🏻

“إنت يومك بسنة” مقولة  عامية مشهورة لكن طلعت حقيقة علمية إزاي ؟؟؟؟👇🏻

عارف لما تنزل تجيب حاجة للست الوالدة و تتأخر ، فلما ترجع تقولك 

( إنت يومك بسنة ! ) 

فأنت كنت بتعتبره أسلوب مجازي عشان تعبر بيه على إنك بطئ 

طيب خد المفاجأة دي .. 

لو إنت خدت المركبة الفضائية بتاعتك و مشيت بيها حوالي 41 مليون كليومتر و وصلت لكوكب الزُهرة 

وقررت تعيش على كوكب الزُهرة ، هتكتشف إن ( اليوم عليه أطول من السنة ) !! 

– نعم !! ازاي يعني ؟

هو إمتى نقول إن في يوم عدي علينا ؟؟ 

لما كوكب الأرض يلف حول نفسه أو محوره لفة كاملة 

طب إمتى نقول إن في سنة عدت علينا ؟؟ 

لما كوكب الأرض يلف حول الشمس لفة كاملة … تماام أوي 

كوكب الزهرة بقى اليوم عليه أطول من السنة لأنه بياخد فتره في الدوران حول نفسه ” يومه يعني ” أطول من الفترة اللي بياخدها في الدوران حول الشمس ” سنته ” 

أو نقولها بشكل آخر ، هو بيلف حول الشمس أسرع من لفه حول نفسه فعقبال ما يكمل لفه حول نفسه يكون عمل لفة و زيادة حول الشمس خلينا نتكلم بالأرقام عشان يبقى الكلام دقيق

اليوم على كوكب الزهرة = 243 يوم أرضي 

السنة على كوكب الزهرة = 225 يوم أرضي

هقولك بقى معلومة جميلة تعرفك النعمة الكبيرة اللي إحنا فيها و مش واخدين بالنا منها 

طبعاً إنت عارف ان عُطارد هو أقرب كوكب للشمس يعني المفروض درجة الحرارة عليه تبقى لا تطاق ! 

المدهش بقى إن درجة الحرارة بالليل عليه ( سالب 170 درجه مئوية ) ! متخيل ؟! 

يعني تخيل تبقى عايش على كوكب بتتشوي الصبح عند درجه حرارة 450 درجة 

و بالليل بتتجمد عند 170 تحت الصفر ! 

عارف ليه ؟؟ عشان عُطارد معندوش غلاف جوي ! 

عرفت قيمة غلافنا الجوي و إنه نعمة كبيرة أوي مش هنحس بيها إلا لو فقدناها 

تعليقات الفيس بوك

تعليقًا

عن

شاهد أيضاً

فرحة العيد في عيون الأطفال : دعوة لأخذ الأطفال مثال لخلق الفرحة والسعادة من أبسط الأشياء !!!

جاء يوم العيد، يوم الخروج من الزمن إلى زمن وحده لا يستمر أكثر من يوم. …

%d مدونون معجبون بهذه: