اعرف معلومات أكتر عن الراجل اللي أنقذ البشرية كلها من الحرب العالمية التالتة 👇🏻

0
248
views

إنسان واحد أنقذ البشرية كلها 

ايوا الراجل اللي ف الصورة ده أنقذ حياتك و حياتي و منع حرب عالمية تالتة كانت ممكن تقوم !!!

الكلام ده حصل سنه 1962 .. ساعتها كان في أزمة كبيرة جدااً بين أمريكا و الإتحاد السوفيتي – سابقاً – و ده لأن الإتحاد السوفيتي حب يفرد عضلاته فنشر صواريخ نووية في كوبا ( دوله عبارة عن جزيرة قريبة جداً من سواحل أمريكا ) ساعتها كان بين أمريكا و كوبا مشادات و في ثورات في كوبا ضد أمريكا و في مقاطعاات تجارية فرضتها أمريكا ضد كوبا و حاجات كتير كده .. يعني علاقتهم كانت متوترة و مش أد كده و بيتلككوا لبعض 

المهم .. طبعاً الحركة اللي عملها الإتحاد السوفيتي دي إستفزت أمريكا جدااً و إعتبرته تهديد نووي مبااااشر .. و وضعت الترسانة النووية بتاعتها في حالة الإستعداد الكامل ، بمعني أصح دلوقتي عندك دولتين عندهم نووي و مستنين مين اللي يبدأ عشان تقوم الحرب العالمية التالتة^^ 

أثناء الأزمة دي كانت في غواصه سوفيتيه إسمها B-59 قريبة من سواحل أمريكا الغواصة دي كان فيها طوربيد نووي قوته تعادل قوه قنبله هيروشيما !!

المدمرات الأمريكية رصدوها و قالوا ده دبور و زن على خراب عشه .. فبدأوا يهاجموها بمتفجرات عشان يجبروا قائد الغواصة إنه يطفو بيها على سطح المياه و يستسلم .. 

طبعاً قائد الغواصة ( valentin Gregory ) في وسط الأزمة دي و يلاقي قنابل بتتحدف عليه قال يبقى الحرب بدأت – لأن عمق الغواصة كان كبير لدرجه إنهم مكنوش قادرين يسمعوا البث الإذاعي و قرر إنه يطلق الطوربيد النووي .. لكن من حسن الحظ إن البروتوكول ألزمه عشان ياخد قرار تجهيز الرأس النووي محتاج ياخد موافقه 3 ظباط في الغواصة ، الكابتن و الـ political officer و نائب الكابتن ( اللي هو Vasili Arkhipov اللي ف الصورة ) 

إتنين وافقوا بحماس و سعادة ،و نائب الكابتن الراجل الحكيم هو اللي موافقش و و بعد ما دخل مع ال 2 ظباط التانيين في مشادة عنيفة قدر vasili يسيطر على الموقف و رأيه هو اللي مشي لأن شعبيته كانت كبيرة جداً وقتها – بسبب موقف سابق ليه سنه 1961 – 

عايزك تتخيل لو كان الراجل ده متسرع و كُرهه لأمريكا كان عماه ووافق ! كان الجنس البشري تقريباً إتمحى!! 

المؤرخين فعلاً بيصنفوا الموقف ده على إنه أقرب نقطة للحرب العالمية التالتة 

تعليقات الفيس بوك

تعليقًا