الباب الدوّار ..~

0
312
views

وأنا صغير زمان لما كنت بدخل أي مكان نضيف .. فندق أو مول كبير أو سفارة .. وألاقي باب دوار .. وطبعا زي أي طفل برئ أفضل أدخل وأخرج وأقعد ألعب بقي وكده ..

وكنت فاكر إنّ الباب ده مجرد ديكور .. يعني عادي كان ممكن يعمل باب للدخول وباب للخروج .. ليه يعمل أبواب بتلف كده إلا إذا كان ديكور ؟؟ 

بس لمّا كبرت عرفت الفكرة العبقرية الهندسية في الباب ده 😀 

برج زي برج خليفة اللي ف الإمارات .. أطول برج في العالم .. التكييفات جوا البرج بتحافظ علي درجة الحرارة جوا البرج عند 25 درجة مئوية .. في حين درجة حرارة الجو في الإمارات أحيانا توصل لـ 49 درجة .. ايه ده ؟؟ 

طبعا فرق زي ده في درجة الحرارة لازم يولد فرق كبيرر في الضغط جوا البرج وبرا … 

فرق في الضغط ؟!!  

ونتيجة فرق الضعط ده لو جربت تفتح باب برج خليفة عشان تدخل هوب دابل كيك هتلاقي دفعة هوا في وشك تطيرك حرفيا !! وهيبقي في معاناة رهيبة للناس اللي داخلة وخارجة من البرج بسبب فرق الضغط ده ! 

طيب إيه الحل ؟؟ 

احنا عايزين نخلي البرج من جوا معزول عن برا .. مش عايزين أي ابواب تتفتح ! وفي نفس الوقت الناس عايزه تخرج وتدخل بردو مش هنحبسهم جوا .. طيب وبعدين :3 

المشكلة دي كانت من أوائل المشاكل اللي بتقابل ناطحات االسحاب اول ما طلعت .. والناس مبقتش قادرة تعيش فيها .. لحد ما المهندسين كالعادة مبيغلبوش B| 

.

واخترعوا الباب الدوار ده .. ده بيقدر يسمح للناس انها تخرج وتدخل ورغم كده المكان يفضل معزول حراريا 😀 

حضرتك الباب اللي هتزقه عشان تخرج برا البرج .. في اللحظه اللي الباب فيها هيفتح للهواء الخارجي وتبدأ تحس بدرجة الحرارة برا .. هيكون الباب اللي وراك قفل في نفس اللحظة وهكذا .. فيفضل الجوا داخل البرج متزن حراريا وحضرتك عرفت تخرج وتتكل ع الله .

 

لحسن تكون فاكر الأبواب بتلف بعشوائية كده … لا ده كل باب محسوب هيلف قد إيه بالثانية .

حاول وانت ماشي في الشارع تسأل ديما ليه . وتبص للحاجة بنظرة علمية فيزيائية .. لإن ممكن جدا يكون ليها سبب مقنع بس أنت اللي مش واخد بالك وأما تعرفه هتستمتع جدا .. ميبقاش علاقتك بالعلم هو الكتب وبس ! 

.

زي مثال حلو كان بيقوله دكتور كده مش فاكر اسمه 

في بنت درست إن المعادن بتتمدد بالحرارة وتنكمش بالبرودة .. ودخلت الامتحان جاوبت ع السؤال صح .. وأما جت تفتح برطمان مربي معرفتش وقعدت تدور علي راجل قوي يفتحولها .. 

وبنت تاني اما درست المعلومة دي سخنت غطا البرطمان شويه علي النار .. والغطا اتمدد حاجة بسيطة واتفتح معاها بكل سهولة . 

الأولي درست عشان تنجح في الامتحان والتانية درست عشان تستفيد من العلم في حياتها . 

مساء الفل 😀

تعليقات الفيس بوك

تعليقًا