الحرامي سرق اكونت الفيس

0
628
views


بقالي ١٠ ايّام فيه واحد هيموت ويخترق الحساب بتاعي
والنهارده اكتشفت هوا بيستخدم ايه
بيستخدم برنامج او موقع اسمه Adyou me
مشكلة الهاكر دا انك مش بتحس بيه، بيجيلك إشعار وانت فاتح برنامج الفيس عالفون ولو ضغطت ok يبقى شكراً كده بالسلامة
نصيحة مني ليكم زودوا الحماية على حساباتكم
الموضوع هياخد منكم نص ساعة او ساعة بس هيفيدك جداً مستقبلاً
أكيد انت سمعت جملة "الحرامي سرق الاكونت" قبل كده
انا فيه شوية حاجات عاملها من زمان بتعلي الحماية عندي جداً
١: الباسوورد معقد جداً جداً
٢: الايميل اللي بدخل بيه محدش يعرفه خالص
٣: عامل خاصية Two-Factor Authentication
ودي بتخلي اي حد يدخل على حسابي لازم اديله تصريح الاول من الجهاز اللي انا فاتح منه

٤: مشغل كمان خاصية ال Code generator ودي بقى روعة، لو انا دخلت من جهاز مش بتاعي بيبعت كود لابليكيشن الموبايل عندي والكود بيتغير كل ٣٠ ثانية ولازم الحق أحط الكود خلال الوقت دا

٥: كل شوية بخش على ال recognized devices واشوف هل الأجهزة اللي موجودة بتاعتي ولا لا؟ مش يمكن أكون فتحت من كومبيوتر او موبايل واحد صاحبي ونسيته مفتوح وساعتها لو فيه جهاز مش بتاعي بدوس على علامة ال x وبيعمل تسجيل خروج تلقائي من الجهاز دا
٦: دخلت على الضبط وطلبت ال Recovery codes الخاصة بالحساب بتاعي تحسباً لأي ظرف من الظروف
٧: لما تخش على الضبط بتلاقي نفسك عامل تصريح لبعض ال Apps انها تاخد بيانات من عندك كمثال انت دخلت على برنامج تمبلر او وي تشات او سكايب فا بيطلب منك الدخول باكونت الفيس عشان بدل ما تملا بياناتك يملاهالك هوا ببيانات الفيس وهتنبهر لما تدخل تشوف كام تطبيق انت اديتهم الصلاحيات دي، ونصيحتي انك تدخل كده وأي تطبيق غير معروف ومش موثوق فيه اعمله حذف عشان التطبيق ذات نفسك ممكن يكون هاكر او متكهر والأمثلة على بعض التطبيقات المتهكرة هيا Blackberry smart phone و Sony Xperia و HTC
دول مش اجهزة موبايل، لا دي أسامي تطبيقات ومعمولة بالاسم دا عشان تحس انها موثوق فيها بس للاسف متهكرة كلها

٨: شغل خاصية ال trusted contacts ودي بتساعدك انك ترجع الاكاونت بتاعك عن طريق الأصدقاء اللي انت هتختارهم ولازم تختار ناس عندها وعي بالتكنولوجيا وقريبين منك جداً وبتوصلهم بسهولة خارج نطاق الفيس بوك يعني اخوك او صاحبك الانتيم او حد في البيت عندك

٩: المشكلة اللي هذكرها دي مش عندي بس بتواجهكم كلكم لأنكم في مصر الا وهي رقم تليفونك، وهنا وللأسف الشديد شركات المحمول في مصر فيها بعض الموظفين الفاسدين ومش هقولك متعرفش حد رقم تليفونك، لأن للأسف الفساد وصل لأنهم يجيبوا رقمك من اسمك من داخل الشركة نفسها فا اقتراحي ليكم انك تشتّري خط بإسم حد من عيلتك وخلي بالك من عيلتك بس مش حد تاني ولازم الخط يكون متفعل وشغال وتخليه هوا الرقم المتوصل باكونت الفيس بوك بتاعك

١٠: الناس اللي عندها صفحات، اعمل بزنس اكونت بحساب فيس بوك جديد وخليه يبقى ال Owner بتاع صفحتك وحط نفسك ادمن بحساب الفيس بوك اللي بتستخدمه وبعدها اعمل Deactivate للأكونت الشخصي اللي عملت بيه البزنس اكونت وخلي بياناته في الحفظ والصون وابقى قابلني لو حد عرف يسرق الصفحة بتاعتك
دمتم في حفظ الله

تعليقات الفيس بوك

تعليقًا