أخبار عاجلة
الرئيسية / Blog / ” بكوا في أول الأمر ثم ألِـفوا وتعوّدوا، إن الإنسان يعتاد كل شيء. يا له من حقير! “

” بكوا في أول الأمر ثم ألِـفوا وتعوّدوا، إن الإنسان يعتاد كل شيء. يا له من حقير! “

فيودور دوستويفسكي بيقول في روايته الجريمة والعقاب :

” بكوا في أول الأمر ثم ألِـفوا وتعوّدوا، إن الإنسان يعتاد كل شيء. يا له من حقير! “

يمكن دي أكتر جملة وصفت ما آل إليه الوطن العربي بأكمله في الآونه الأخيــرة .

اللي حصل في بغداد أو المدينة المنورة فاجعة – مش جديدة – ممكن لو حد في بلاد برا فطرته لسه سليمة وقرأ الخبر وتخيل الموقف، جسمه يقشعر وبطنه تتقلب .. ولكن احنا لا .. لكن العيب مش فينا ! 

إحنا عنينا اتعودت إنها تشوف الدم، والجثث مرمية في الشوارع وحواليها فوارغ الرصاص والحجارة .. البيوت المهدومة .. الأطفال مقتولين ومرمين علي الشواطئ أو بين الأنقاض.

آذاننا اتعودت تسمع كلمات زي انفجار، عربية مفخخة ،عملية انتحارية، قتلى، مصابين .. بشكل شبه يومي .. اتعوّدنا إلى أن تبلدت مشاعرنا.

أو زي ما قال ممدوح عدوان في كتابه حيونة الإنسان : 

” نحن لا نتعود يا أبي إلا إذا مات شيء فينا ” 

الذنب مش ذنبنا، بل ذنب اللي أفسدوا فطرتنا السلمية، ذنب اللي تجردوا من كل معاني الإنسانية، ذنب اللي بيدعموهم، ذنب اللي ثاروا وقلبوا الدنيا رأسًا علي عقب في الإعلام في كل أنحاء العالم في أحداث تفجيرات فرنسا، أما عن اللي بيحصل كل يوم، كل ساعة، كل دقيقة في بلادنا العربية فهم صمٌ بكمٌ عمي يا عزيزي .

ولكن مهما ازدادت العتمة فـ الله غالب علي أمره ولكنّ أكثر الناس لا يعلمون .

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: