أخبار عاجلة
الرئيسية / Blog / تعرف إنك لو دخلت دبوس بطريقة معينة في بالونة مبتفرقعش؟؟؟طيب إزاي؟؟؟

تعرف إنك لو دخلت دبوس بطريقة معينة في بالونة مبتفرقعش؟؟؟طيب إزاي؟؟؟

ينفع أدخل دبوس أو عود جوا بالونة و أخرجه من الناحية التانية من غير ما البالونة تفرقع ؟؟

أها ينفع..

و الصورة دي مش فوتوشوب ، أنا عملتها بنفسي

أول يوم ليا في الكلية كان في محاضرة تعريفية، البنت اللي طلعت تتكلم أول حاجة عملتها عشان تجننا شوية جابت بالونة و طلعت دبوس من الطرحة و دخلت الدبوس في البلونة و مفرقعتش ،

و بعدين دخلت الدبوس بشكل تاني ففرقعت … قولنا أكيد فيه خُدعة ما ، بس الحقيقة مفيش أي خدعة.

لو دخلت العود أو الدبوس من جنب الفاتحة اللي بتنفخ منها البالون ، أو دخلته من المنطقة اللي تحت اللي في مواجهة الفاتحة ، زي الصورة كده ، البالون مش هتفرقع … طب ليه ؟؟

لأن المنطقة عند الفاتحة أو عند أسفل البالون بتكون سميكة مقارنة بالجوانب .. بما إنها سميكة يعني الروابط بين جزئيات مادة البالون مش بتكون مشدودة أوي يعني بتبقى براحتها و بالتالي بيبقى عندها مساحة إنها تتمطع أو تتفرد براحتها .. زي الأستك أو السوستة لما تكون في وضعها الطبيعي بيكون عندها القدرة إنها تتمط أو يحصلها ( إستطالة – Elongation ) ، فلما بنيجي نأثر عليها بقوة ( قوة ضغط الدبوس أو العود – Stress ) كل ذرة بتقول للي جنبها إتخري بس شوية او إتمطي عشان في دبوس رخم عايز يدخل وسطنا ..

و بالتالي الدبوس أو العود بيخترق جزيئات مادة البالون من غير ما تتمزق و أكيد سُمك الدبوس بيكون قد الثقب بالظبط فمبيدخلش أو يخرج هواء .. و يفضل ماشي لحد ما يخرج من الناحية التانية بنفس الطريقة 🙂

بينما المنطقة عند جوانب البالون بتبقى مشدودة على الآخر فبيكون سُمكها قليل .. ويعني الروابط بين الجزئيات بتكون مشدودة على الآخر و يادوب بتتلكك عشان تتقطع أصلاً .. فمجرد ما بتأثر عليها بقوة ضغط خلاص بتجيب آخرها و تتقطع فالبالونة تنفجر ..

بس متنفخش البالونة أوي عشان تفضل المنطقتين فوق و تحت سُمكهم أكبر و دخل العود بالراحة و يُفضل تدهن السن زيت أو فازلين عشان يسهل من عملية الإختراق و يقلل الإحتكاك ، بس مش لازم أنا عملتها من غير ما أدهن حاجة و نفعت

في حركة تانية، ممكن تجيب بالونة و تنفخها و تقربها من شمعة مولعةأو عين بوتجاز هتفرقع على طول صح

طيب روح إملى البالونة دي مياة و قربها جداً من النار حتى لو قعدت فترة مش هتفرقع

طب ليه ؟؟ ..

ببساطة لأن في الحالة الأولى البالونة لما سخنت ، الهواء اللي جواها سخن بسرعة جدا و ضغط عليها ففرقعت .

إنما في الحالة التانية البالونة لما سخنت ، الحرارة هتنتقل للمياة اللي جواها و تفضل تسخن فيها ، و المياة طبعاً حرارتها النوعية كبيرة يعني بتاخد وقعت كبير لحد ما تسخن، فالبالونة مش بتفرقع لأنها بتنقل كل حرارتها للمياة و بتفضل حالتها مستقرة

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: