أخبار عاجلة
الرئيسية / Blog / تعرف إيه عن مناورة الجاذبية ؟؟شرح مبسط في المقال ده 👇🏻

تعرف إيه عن مناورة الجاذبية ؟؟شرح مبسط في المقال ده 👇🏻

أول ما بدأوا الرحلة كان المفروض يوصلوا لكوكب زُحل بعد سنتين

ماثيو ( بطل الفيلم ) سأل الربوت تاارس ..

– قولي المعلومات عن رحلتنا تاني ..

= ثمانية أشهر إلى المريخ ، مع (( مناورة الجاذبية المساعدة )) ستكون 14 شهراً إلى زُحل !

كلمة كده إتقالت في وسط زحمة الأحداث و ناس كتير مخدتش بالها منها

إيه بقى حكاية مناورة الجاذبية المساعدة دي ده تكنيك كده إكتشفه واحد إسمه مايكل مينوفيتش سنة 1961 .. قال إيه الراجل الطيب ده ؟؟

قال إحنا ممكن نعمل حركة نوفر بيها جزء كبير من وقود المركبة الفضائية ووقت الرحلة و ممكن نعدل من مسار الرحلة .. إحنا هنستغل جاذبية الكواكب اللي هنمر بيها خلال الرحلة ..

تعالي نفترض إنك واقف دلوقتي على سطح عمارة عالية و عايز تنزل و قدامك طريقين

إما إنك تنزل على سلالم كتيير و إما إنك تنزل في زوحليقة .. هتختار إيه ؟؟

طبعاً هتختار الزوحليقة .. لأن ساعتها قوة الجاذبية هي اللي هتقوم بالواجب و تنزلك،

 إنت مش هتعمل أي مجهود ، مش هتبذل أي طاقة من عندك 🙂

كذلك مايكل قال ببساطة إحنا ممكن لما نعدي في طريقنا من جنب كوكب نقرب منه أوي بحيث ندخل في مجال جاذبيته .. لما ندخل مجال جاذبيته هنطفي إحنا المحركات و هو هيقوم بالواجب و يشدنا عشان نلف حواليه فهيدينا قوة دفع .. قوة الدفع دي هتزود سرعتنا من غير ما نشغل المحركات و لما سرعتنا تزيد نشغل المحركات سِنة بس عشان نهرب من مجاله و بكده هنخرج بقوة دفع كبيرة جدااً فهنوصل أسرع

و بكده ضربنا عصفورين بحجر واحد، وفرنا وقود المركبة و وفرنا جزء من وقت الرحلة

زي لما إبن أخوك كل شوية يقولك شيلني و لف بيا . فحضرتك إتخنقت منه فتمسكه و تلف بيه بسرعة جداً هووب تروح سايب ايده فتلاقيه بيطير في الجو

أهو إحنا بحبة حسابات و معادلات معقدة حبتين عملنا نفس الفكرة .. خلينا الكوكب يمسك المركبة من إيديها و يشدها و يلففها معاه ( في نفس الإتجاه ) و بعدين إحنا نشغل المحركات لحد بس ما نهرب من مجال جاذبيته و بكده هناخد طاقة حركة أو قوة دفع كبيرة منه ..

و ده اللي خلى رحلتهم إلى زُحل في الفيلم تتقلص من سنتين لـ 14 شهر :))

الفيلم ده يا جماعة عباره عن كورس مكثف من فيزياء الكون فمينفعش أي كلمة فيه تمر مرور الكرام كده .. 

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: