أخبار عاجلة
الرئيسية / Blog / سمعت عن الرحلة ١٩ ؟؟؟ ما لاتعرفه عن لغز مثلث برمودة وأجوبة على تساؤلات كتيير هنا في المقال ده 👇🏻

سمعت عن الرحلة ١٩ ؟؟؟ ما لاتعرفه عن لغز مثلث برمودة وأجوبة على تساؤلات كتيير هنا في المقال ده 👇🏻

مثلث برمودا

بوست مش طويل ، بس عيب لما نبقى في 2016 ولسه مقتنعين إن المنطقة دي مسكونة بالجن و الشياطين أو الكائنات الفضائية

مبدئياً هو إتسمى بالإسم ده لأن رأس المثلث بتشير لجزيرة إسمها برمودا اللي ف الصورة دي تمام ، أكيد سمعنا كتير عن السفن و الطائرات اللي إختفت في المكان ده بدون أي سبب و مسبتش أي أثر ! 

 بس إيه اللي خلى الإسم ده ينتشر في العالم كله و يعمل الضجة الجامدة أوي ده ؟ … السبب هو قصة ( الرحلة 19 ) 

بإختصار شديد القصة حصلت يوم 5 ديسمبر 1945 إن في خمس طائرات أمريكية طلعوا في رحلة تدريبية روتينية و بعد فترة معينة إختفوا ! و إتقطعت كل الإتصالات بيهم و بعدين بعتوا طائرة إنقاذ إسمها (مارتن مارينر) تدوَر عليهم و بعد 27 دقيقة إختفت هي كمان و حصلت إخواتها !

غير بقى كمية البلاغات الكتير عن إختفاء الطائرات و السفن في المنطقة دي اللي بتقدر بـ حوالي 300 طائرة و4 مدمرات حربية وأكثر من 18 سفينة لخفر السواحل الأمريكي وأعداد لا حصر لها من القوارب الآلية ..

من وسط كل اللي قرأته عنه حاولت استخلص تفسيرات ترقى اني اكتبها وتكون منطقية إلى حد ما 

1- في أبحاث بقى رفضت الخرافات دي نهائياً و قالوا كلام منطقي بصراحة 

قالوا في خطوط ملاحة جوية كتير جداااً بتمر بالمنطقة دي يعني طائرات كتيــر جدااً بتعدي بالمنطقة دي كل يووم و مش بيحصلها حاجة 

و الموقع ده ممكن تتابعوا عليه حركة الطائرات في الوقت الحالي في جميع انحاء العالم أون لاين >> 

أنا فتحت الموقع و جبت المنطقه دي و لاقيت الطائرات فيها أد كده فعلاً !

و إن إختفاء الطائرات في المنطقة دي زيها زي غيرها من المناطق بسبب أعطال في البوصلات أو عدم حساب دقيق لإتجاه التيارات و تغيرات الطقس اللي ممكن تغير مسار الطائرات لأميــال و ده اللي حصل في الرحلة 19.

و إن لما بصوا على (قائمة أخطر الخطوط الملاحية الجوية العالمية ) عشان يشوفو ترتيب منطقة مثلث برمودا على القائمة .. ملقوش المنقطة اصلاً على القائمة و ده معناه أنها مش بتشكل أي خطر على شركات الطيران 

2- في علماء جيولوجيا قالوا لا في حالات غرق كتير بتحصل فعلاً لأن أسفل قاع المحيط في المنطقة دي فيه معادن بتعمل حقل كهرومغناطيسي هائل بيأثر على أجهزة الملاحة و بيجذب السفن و الطائرات ليه لحد قاع المحيط و طبعاً مفيش ولا بني آدم وصل لقاع المحيط 

3- في ناس قالت إن في قراصنة هما اللي بيخطفوا السفن دي تحت ستار خرافة مثلث برمودة مستغلين جهل الناس . و ده إحتمال وارد بردو 

4- نظرية (غاز الميثان) ده أكتر تفسير كان مقنع بالنسبة لي ببساطة علماء في جامعة كارديف قالوا بالنص 

“يوجد تجمعات كبيرة من غاز الميثان المحاصر في قاع المحيط، بسبب موت وتحلل الكائنات البحرية، و الرواسب دي تحتوي على البكتيريا التي تُنتج غاز الميثان ، وينحصر الغاز في القاع تحت طبقة الجليد، فيتراكم ليشكّل طبقة مركزة من جليد الميثان، تدعى هيدرات غاز الميثان، و أن في غضون ثوانٍ ممكن يتمزق جيب أو ثقب من تلك الطبقة من قاع البحر، هيؤدي إلى صعود الغاز وثورانه على سطح الماء فجأة ، وفي حالة تزامن الإنفجار ده مع وجود سفينة منحوسة في منطقة الإنفجار ، هتنخفض كثافة الماء جدااً وبالتالي السفينة هتغرق ، وبقايا الحطام هيتسحب بسرعة ويستقر في قاع البحر، كما أن الطائرات المنحوسة التي تحلق في سماء المنطقة قد تشتعل خلال هذا الإنفجار .

و عملوا تجربة في الفيديو ده لغاز الميثان عشان يثبتوا كلامهم و فعلاااً كان سبب في غرق قارب قصاد يعنيهم من أول الدقيقة 26

* الفيديو كمان في أوله قصة الرحلة 19 بالتفصيل .

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: