أخبار عاجلة
الرئيسية / Blog /  علم الكونيات – cosmology  أو فيزياء الكون ..

 علم الكونيات – cosmology  أو فيزياء الكون ..

الناس المتـيّمة بعلم الكونيات – cosmology ، أو فيزياء الكون، زي حالاتي 

وعايزين يبدأوا يدرسوا العلم ده ويتعمقوا في بحوره في الأجـازة اللي بتتسحب من تحتينا دي .. 

إليكم هذا البوست 😀 

.

طبعا التعليم المصري علاقته بالعلم ده هو الصفحتين اللي في كتاب علوم رابعة ابتدائي اللي بيتكلموا عن المجموعة الشمسية، رغم إن العالم كله بقي بيتسابق في العلم ده. 

بس متقلقش .. في عصرنا ده تقلق بس لو معندكش جهاز ووصلة نت، غير كده شكليات 😀 

.

لو معندكش أي فكرة عن فيزياء الكون ، فـ مجموعة الكتب دي تكفي جداً إنَّها تديك قدر كافي من العلم ده في كافة نواحيه وموضوعاته .. هيخلوك تبحر في نظريات الكون ده وهتلاقي فيهم إجابات لكل الاسئلة اللي بتدور في بالك بداية من نشأة الكون حتي الكواركات وهي أصغر جسيم توصلنا إليه.. 

مرورا بنظرية البيج بانج والثقوب السوداء والنسبية العامة والنسبية الخاصة وميكانيكا الكم وعجائبها والمادة المضادة والمادة المظلمة ونظرية الأوتار والأكوان المتوازية ونظرية كل شئ وغيرها من متع هذا العلم الرائع . 

مجموعة ممكن تقربك من ربنا أكتر من أي كتب دينية ، لما تتفكر في عظمة هذا البنــاء ودقته المتناهية ! 

أغلب الكتب دي صغيرة من 100 لـ 200 صفحة ومترجمة ولغتها سهلة وبسيطة يعني ملكش حجة بقي 😀 ع الاقل اقرأ منهم 5 او 6 كتب 

أنا جمعتهم كلهم في مكتبة واحدة علي الدرايف عشان متتوهش وسط اللينكات، ادخل وعيش 

‏https://goo.gl/3Uvv8p

.

بالنسبة بقي للمحاضرات فأنا لاقيت كنز بصراحة منزلاه مرصد المستقبل الله يباركلها 😀 

مجمعة كل اللي عايز تعرفه عن الفيزياء من أعرق جامعات العالم وعن طريق أفضل الأساتذة و المعلمين في المجال ده وأنت في مكانك عن طريق اليوتيوب  

من المواضيع اللي هتلاقيها في التجميعة و له علاقة بموضوعنا 

– النسبية العامة

– فيزياء الكم

– النسبية الخاصة.

– نظرية الأوتار.

– علم الكونيات والفيزياء الفلكية

– نظرية الحقل الكمي والديناميكا الكهربائية الكمية

– نظرية الحقل الفعّال

– فيزياء الجسيمات.

– الجاذبية الكميّة الحلقية.

وغيرها من مواضيع الفيزياء لو حابب تطلع عليها 😀 

من هنا : http://goo.gl/7bHYa1 

ودي تجميعة لمحاضرات تانية جميلة جداا بردو في علم الكونيات 

‏https://goo.gl/fzbc0E 

.

وده كورس تحفة في موقع edx بعنوان Astrophysics: Cosmology

وكورس زي ده لما تلاقيه في موقع زي ده ببلاش يبقي تمسك فيه بإيدك وسنانك 😀 

مقدم من الجامعة الوطنية الأسترالية وبيشارك في تقديمه عالم حاصل علي جائزة نوبل في الفيزياء وجايزة شو في الفلك 

‏https://goo.gl/1u0kRp

.

أمّا لو حابب تتفرج على أفلام وثائقية عن الكون ، فأنا جمعت أغلبها هنا : 

‏https://goo.gl/slrpJ3

.

دلوقتي قدامك اختيارين ، إما إنك تسيف البوست لحد ما يتكوّن عليه طبقة من الغبار لا بأس بها وتنساه ، وإما إنك تفتح أول كتاب أو أول محاضرة تبدأ فيها دلوقتي .. 

القرار ليك ..

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: