الرئيسية / Blog / ليه لما بنمشي على سُوَر رفيع نفرد دراعنا؟؟ اعرف السبب في المقال ده 👇🏻

ليه لما بنمشي على سُوَر رفيع نفرد دراعنا؟؟ اعرف السبب في المقال ده 👇🏻

من و إنت صغير لما كنت بتحاول تمشي على سور رفيع و تحس إنك هتقع بتعمل إيه ؟؟؟ 

أيواا بتروح فارد دراعاتك جنبك تلقائياً زي اللي ف الصورة كده عشان توزن نفسك صح … مسألتش نفسك طب ليه ؟؟ ليه بتفرد دراعك ؟؟ 

إيه السبب اللي بيخلي دراعك يوازن جسمك ؟ 

هقولك يا سيدي ، و ركز معايا عشان دي معلومة هندسية بس جميلة جداً

 ببساطة شديدة ، لما بتحس إنك هتقع فإحتمالية دورانك أو وقوعك من على السور ، علماء الفيزياء إدوها رمز ( ω ) أوميجا ، أو Angular Velocity .. تمام كده ؟؟ 

يعني لما الأوميجا تزيد ، إحتمالية دورانك أو وقوعك من على السور تزيد ..

طيب بما إنك هتقع أهو خلاص لازم يبقى فيه قوة تلحقك صح ؟ يعني لازم يبقى فيه مقاومة لوقوعك ده عشان توازن جسمك .. أهو مقاومة دوران جسمك ده العلماء إدوها رمز ( I ) او moment of inertia 

كل الموضوع إن الـ ( I ) دي ليها قانون مش لازم تعرفه.. كل اللي لازم تعرفه إن القانون ده بيتوقف على ( عرض الجسم اللي ممكن يدور ) 

يعني من الآخر لما عرض الجسم اللي ممكن يدور ده يزيد >> الـ ( I ) أو مقاومه دورانه هتزيد … تماام كده ؟؟ 

فيه بقى قانون بيقول إن :

” حاصل ضرب الأوميجا ( ω ) في المقاومة ( I ) بيساوي ثابت ” 

و بدام حاصل ضربهم ثابت يبقى فيه علاقة عكسية بين الإتنين … يعني لو المقاومة قلت إحتمالية الدوران اللي هي الأوميجا هتزيد و العكس صحيح  

يعني من الآخر لما عرض الجسم يزيد مقاومته للدوران هتزيد فهيبقى صعب إنه يقع..

يعني لما بتكون ماشي على السور و تحس إنه هتقع فـتفرد دراعك جنبك إنت كده بتزود العرض ، و بالتالي بتزود الـ ( I ) يعني بتزود مقاومة جسمك للدوران أو الوقوع يعني ، و بالتالي بتقلل إحتمالية وقوعك أو الـ ( ω ) و ده بيخليك تتزن أكتر 

يعني المهرج اللي بيبقي ماشي على حبل و ماسك عصاية طويـــــلة من النص ده كده مش برنس ولا حاجه ده كده مرتاح و هو ماشي و لو زود طول العصاية هيرتاح أكتر ، لكن البرنس بجد هو اللي يمشي من غير ما يمسك أي حاجة،عشان بعد كده اما تروح السيرك متنبهرش أوي ، تبقي فاهم و مصحصح 

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: