أخبار عاجلة
الرئيسية / Blog / ملخص فيلم (saw) الذي يعكس نتيجة التعذيب النفسي في الصغر ؟؟؟؟

ملخص فيلم (saw) الذي يعكس نتيجة التعذيب النفسي في الصغر ؟؟؟؟

القصة بدأت يوم 22 مارس 1999 .. في بيلين بولاية نيوميكسيكو في أمريكا

لما قدرت بنت شابة إنها تهرب من الجحيم ! .. فضلت تجري بدون توقف في هلع .. بتدور على أقرب مكان فيه قسم شرطة أو أي تليفون على الطريق تتصل بيهم، لحد ما لقت بيت صغير متنقل على الطريق عايش فيه واحدة في الأربعينات .. إستنجدت بيها والست ساعدتها وخلتها تستخدم التليفون وإتصلت بالشرطة فعلاً وقالتلهم على مكان الأوضة اللي كانت بمثابة جزء من الجحيم اللي كانت محبوسة فيها .. الشرطة إتوجهت للمكان إياه عشان تلاقي أفظع أوضة على الإطلاق !! الأوضة كانت في بيت قديم متنقل لواحد إسمه (( David parker ray )) ..

حيطان الأوضة كانت عازلة للصوت، أما أدوات التعذيب اللي لاقوها فحدث ولا حرج ..

مناشير و سَوط جلدي وشفرات وسكاكين جراحية وسلاسل حديد وأدوات جنسية وسرير طبي مليان دم قدامه تلفزيون صغير ولاقوا شرايط متسجل عليها صريخ ! والأفظع إنهم لاقوا مقاطع صوتية لبشر قبل كده عذبوهم لحد الموت !!

بعد التحقيق مع البنت اللي نجت واللي كانت إسمها ( Cynthia vigil ) اللي كان جسمها مليان آثار تعذيب وحروق وبدأت تحكيلهم اللي حصل وإزاي إنه إتنكر في زي ظابط شرطة وجبها بيته بالإكراه وأفقدها الوعي ولما فاقت لاقت نفسها متكتفة في سرير بسلاسل .

وبعد التحقيق مع الأخ المريض النفسي ده إعترف بجرايمه كلها .. وقال إن السبب هو تعذيب أبوه له في طفولته اللي سببله عقدة نفسية وسخرية البنات منه من كتر خجله في المدرسة .. وقال إن الأوضة دي اللي بيعتبرها حبيبته على حد وصفه اللي سماها ( صندوق الألعاب ) صرف عليها 100 ألف دولار .. وإعترف كمان إن لما الضحية كان بيغمى عليها من كتر التعذيب كان بيسيبها ويشغل جنب ودنها شريط متسجل عليه مقاطع صوتية فيها قصصه مع التعذيب بالتفصيل وبيقولها على البلاوي اللي هتتعمل فيها بعد ما يرجع للأوضة تاني ! عشان يبقى التعذيب مكتمل جنسي وجسدي ونفسي !!! وإعترف إنه فضل يقتل بنت بمعدل كل سنة لمدة 40 سنة .. وإتحكم عليه بالسجن 224 سنة ولكن هو مات بأزمة قلبية بعد 8 أشهر من إصدار الحكم .

يمكن ملقاش العقاب اللي يستحقه في الدنيا ولكن محكمة الآخرة تنتظره .

الجدير بالذكر إن الفيلم المعروف اللي أغلبنا شوفناه ( Saw ) قصته كانت مستوحاه من القصة الحقيقية دي ! .. يعني الفيلم مكنش من وحي الخيال ولكن من وحي الحقيقة المُرة.

مش ديما بيكون المخرج عايز كده .. ولكن أحياناً قسوة قلوب بعض البشر بتكون أفظع من كده !

ليتجدد إيماني بأن أفظع مخلوق وُجد على سطح هذا الكوكب هو الانسان.

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: