أخبار عاجلة
الرئيسية / Blog / ممكن تخلي ابنك مليونير !!شوف الخطوات في المقال ده 👇🏻👌🏻

ممكن تخلي ابنك مليونير !!شوف الخطوات في المقال ده 👇🏻👌🏻

5 حاجات علمها لإبنك و بعد كده طلعه من المدرسة و سيبه يعيش حياته زي ماهو حابب وإنت متطمن، عشان ميضيعش سنين عمره في سباق درجات على الفاضي 

1- الدين.

2- القراءة والكتابة والحساب. 

3- اللغة العربية والانجليزية . 

4- الكمبيوتر والإنترنت. 

5- كيفية التعلم الذاتي. 

بعد ما تخليه يتعلم دول و يتقنهم، هاتله لاب ونت وسيبه .. سيبه يستغل سنين عمره في الحاجة اللي بيحبها، سيبه يدور على شغفه ومواهبه، إديله فرصة يبقى شخص مختلف شخص مميز، شخص عارف هو إتولد ليه، عارف رسالته في الحياة، إديله فرصة إنه يلاقي نفسه. 

بالنسبة للتعلم، الكورسات على النت لا حصر لها في كل مجالات العلم و من أكبر جامعات العالم ( هارفارد و MIT و إكسفورد و كامبريدج وغيرها ) و ببلاش و بتدي شهادات كمان لو إنت همك الشهادة اللي هتبروزها و تتفشخر بيها وسط العيلة !

بالنسبة للشغل، بص في الإحصائيات هتلاقي أغلب الناس بعد ما قضت حوالي 20 سة في التعليم بيشتغلوا في مجال مختلف تماماً عن اللي درسوه. واللي حب يشتغل في المجال اللي درسه إتقاله ( إنسى كل اللي درسته عشان هنا حاجة تانية ) .. وصدقني إبنك لو علمته الخمس حاجات اللي فوق دول مش هيقعد في البيت بل ممكن يبقى مليونير .. و بيل جيتس ومارك وستيف جوبز واجاثا وغيرهم خير دليل حي .. 

بالنسبة للجواز، لو البنت اللي إبنك عايز يتقدملها يهمها شهادة جوزها عشان تتفشخر بيها قدام صحباتها و مش بتبص لعقلية الشخص نفسه يبقى دي واحدة تافهة متنفعش إبنك يا حج و قلتها احسن. 

مش لازم عشان المجتمع بيعمل حاجة تجبر إبنك يعمل نفس الحاجة ! لاحظ إن البشريه بالكامل فضلت قرون فاكرة إن الأرض مسطحة وإنها مركز الكون .

الكثره عمرها ما كانت دليل على الصح .. ربنا هو اللي قال كده 

لكن أكثرهم لا يشكرون … لا يعلمون … لا يؤمنون … لا يعقلون .. للحق كارهون .

إن تطع أكثر من في الأرض يضلوك عن سبيل الله.

تقدر تقولي الخوارزمي وابن سينا والبحتري وابن خلدون وابن النفيس وابن الهيثم والبيروني و الائمة الأربعة وغيرهم كانوا خريجين كليه إيه ؟؟ .. 

الناس دي كان همها العلم مش الشهادة، كانت بتسافر بالأيام و الشهور عشان تطلبه في أي مكان .. عشان كده إحنا كنا متفوقين في كل العلوم و كنا بنصدر العلم للدول الأوروبية اللي كانت في عصورها المظلمة آن ذاك .. 

أرجوك متخليش إبنك يلعب دور في المسرحية الهزلية دي، متخليهوش يمشي في السكة العادية .. يجيب مجموع عشان يدخل كلية عشان يلاقي شغل عشان يكون نفسه عشان يتجوز و يخلف عشان يشتغل من 8 لـ 4 و يربي العيال ويضمنلهم مستقبلهم وشعره يبيض ويقعد يقسم ميراثه ويكتب وصيته و يموت في سريره!

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: