الرئيسية / Blog / نظرية الأكوان المتعددة : كل الإحتمالات الممكنة لحدوث شيء هتحصل لكن في أكوان تانية ؟؟؟ إزاي ؟!!

نظرية الأكوان المتعددة : كل الإحتمالات الممكنة لحدوث شيء هتحصل لكن في أكوان تانية ؟؟؟ إزاي ؟!!

إحنا لو قدرنا نتحكم في طريقة الرصد أو مراقبة الإلكترون هنقدر نخليه يتجسد في الإحتمال أو المكان اللي إحنا عايزينه !! 

و من هنا ظهرت نظرية غريبة إسمها ( الأكوان المتعددة – Multiverse ) 

قالوا إن مش معنى إن الإلكترون ظهر في مكان محدد أو إختار إحتمال واحد إن باقي الإحتمالات مرفوضة ! 

يعني إيه ؟؟ 

يعني ( كل ما يمكن حدوثه سيحدث ) يعني الإحتمالات التانيه لمكان وجود الإلكترون دي هتتحقق و لكن في أكوان تانية ! 

يعني مثلا وأنا بعدي الشارع في تلت إحتمالات ممكن تخمنهم .. أول إحتمال إني أعدي الشاارع بنجاح 

تاني إحتمال إن عربية تخبطني .. تالت إحتمال إني أغير رأيي و معديش الشارع خالص 

النظرية بقى بتقول إنك لو شوفتني عديت الشارع بنجاح .. النسخة بتاعتك في كون آخر موازي هتشوفني و العربية بتخبطني و النسخة بتاعتك في كون تاني آخر هتشوفني لما غيرت رأيي و معدتش 

يعني بإختصار كل الإحتمالات الممكنة لحدوث شيء هتحصل و لكن في أكوان تانية 

يعني لو بصينا في الصورة ، البنت أم بلطو أبيض اللي في الكون A هتشوف الإلكترون موجود في المكان a و ده أحد الإحتمالات . 

و نسخة البنت دي في الكون B هتشوف الإلكترون في مكان تاني b .. 

يعني في أكوان غيرنا بعدد الإحتمالات الممكنة !! و كل كون بيحصل فيه إحتمال غير التاني

العلماء قعدوا يفكروا طيب إزاي يحطوا الإلكترون ده قدام الأمر الواقع .. مادام هو بيحس بالمراقبة ، إزاي نضحك عليه ؟؟ 

قالوا بسس .. إحنا مش هنراقبه و هو داخل على الفتحتين و هنخليه يتحرك براحته لحد ما يعدي من الفتحتين 

و نقوم إحنا بقى نحط الكاميرات ورا الفتحتين يكون هو عدا و يتفاجئ بالكاميرات في وشه و بكده هنحطه قدام الأمر الواقع !! و ساعتها هنقدر نشوف إزاي قدر يتصرف كموجة و يكون شكل التداخل إياه ! 

و عملوا كده فعلا حطوا الكاميرات ورا الحاجز بقرب الفتحتين 

و حصل ما لم يكن في الحسبان تمامااااً !!!!

تعليقات الفيس بوك

تعليقًا

عن

شاهد أيضاً

فرحة العيد في عيون الأطفال : دعوة لأخذ الأطفال مثال لخلق الفرحة والسعادة من أبسط الأشياء !!!

جاء يوم العيد، يوم الخروج من الزمن إلى زمن وحده لا يستمر أكثر من يوم. …

%d مدونون معجبون بهذه: