أخبار عاجلة
الرئيسية / Blog / نظرية الكم أم النظرية النسبية العامة!

نظرية الكم أم النظرية النسبية العامة!

عادي مشهد في فيلم ( The theory of everything ) ..

قاعدين بياكلوا بطاطس وبازلاء أو بسلة .. شرحتله المعضلة الحالية في الفيزياء النظرية .. ايه المشكلة يعني ؟ 

الاخت Felicity Jones غرزت سكينة في بطاطساية ومسكتها في إيد وغرزت شوكة في حبة بازلاء ومسكتها في الإيد التانية .. وقالتله الآتي بالنص : 

– أكبر ركيزتان بالفيزياء هما : 

نظرية الكم ( وشاورتله علي حبة البازلاء ) وهي القوانين التي تحكم الجسيمات الصغيرة جدا كـ الإلكترونات ، إلي آخره ، 

والنظرية النسبية العامة ( وشاورتله علي قطعة البطاطس ) .. وهي القوانين التي تسيطر علي الأجسام الكبيرة جداً كـ الكواكب وهكذا ، ولكن نظرية الكم والنظرية النسبية العامة ..

= لا تقولي أنها مختلفة ؟ 

– إنها لا تُحكم بنفس القوانين ولو بشكل مستبعد ، لو أن الكون عبارة عن بطاطس فـ بكل سهولة تستطيع تتبع بداية دقيقة كما نصت نظرية ستيفن ( قصدها ستيفن هوكينج جوزها في الفيلم ) كـ بداية الخلق ، ولو أدرجت البازلاء إلى القائمة فإن الأمر إذن يصبح فوضوي ! .

ولذا فـ آينشتاين يكره البازلاء أي نظرية الكم وقال : 

” الله لا يلعب النرد ” 

بس يا سيدي .. شايف السيناريو ؟ شايف الفن اللي بيقدموه ؟ وعندك فيلم زي Interstellar كتبنا عشرومية مقال عشان نبسط بس كم النظريات العلمية اللي اتقالت فيه .

متستقلش بالكلام ده صدقني عشان شركة جوجل قالت إن أكتر كلمة تم البحث عنها في محرك جوجل في نوفمبر 2014 

كانت كلمة ( Relativity ) عارف ليه ؟ 

عشان في نفس الشهر ده اتعرض فيلم interstellar لاول مرة في السنيمات .  

.

تعالي بقي نسأل سؤال لطيف : 

إيه رأيك في الجيل اللي بيتربي على نوعية الفن ده ؟ هيبقي حاله إزاي لما يكبر ؟ 

طيب وإيه رأيك في الجيل اللي اتربى علي نوعية الأفلام والمسلسلات اللي بتقوله إن المحترم ملهوش مكان هنا .. البلطجي بس اللي بيتعمله قيمة وبيبقاله هيبة .. عشان الناس تحترمك في المكان اللي عايش فيه لازم تعلم عليهم يابني عشان تبقي كبير المنطقة، لازم يبقي في جيبك مطوة ، وتبقي مخبي حتة سلاح محدش عارف الظروف إيه .. “العلام” مبيأكلش عيش اسمع مني .. سيبك من كلام الكتب والناس المِتعلمة دي اللي هتجيبك ورا .

.

أيوا هي دي القدوة اللي بنقدمها وهي دي الرسالة اللي بنوصلها للأجيـال الجـاية ،

فـ أُوعى تستغرب أو تعترض علي الجيل اللي جاي سواء لبسه ، أسلوب كلامه ، ألفاظه ، فكره ، طموحاته ..  

عارف ليه ؟ 

عشان كان في جملة كده كنا بنزين بيها أسوار المدارس :

” إذا أردت أن تعرف ثقافة شعب ، انظر إلى فـنه ” .

تعليقات الفيس بوك

تعليقًا

عن

شاهد أيضاً

رحلة بسيطة ممتعة بتشرح إيه اللي بيحصل جوه جسمك لما بتتلسع أو تحس بألم !!👇🏻

لما كنت بتلسع زمان من الكبريت كنت بقعد أتأمل في صباعي كده وأبقى نفسي أعرف …

%d مدونون معجبون بهذه: