الرئيسية / Blog / هل ممكن مراقبة الإلكترون؟؟السبب في ظهور نظرية “الأكوان المتعددة “

هل ممكن مراقبة الإلكترون؟؟السبب في ظهور نظرية “الأكوان المتعددة “

الإلكترون عرف إننا بنراقبه و رجع يتصرف تاني كجسيم !! و كون على اللوحة خطين بس مش تداخل !!!

فقفلوا الكاميرات و عملوا التجربة .. الإكترون إتصرف كموجة و كون شكل تداخل !! 

يعني بإختصار : الإلكترون بشكل ما بيعرف لو في حد بيبص عليه .. لو بصيت عليه عشان ترصده هيتحرك كجسيم و لو مبصتش هيتحرك كموجة.

عارف كأنك واقف في المترو و قدامك واحدة شايلة بنتها و هي باصالك . و إنت قلبت طفل قدامها و أعدت تلعبها و ترفعلها حواجبك و تخضها و بتاع .. و أول ما أمها بصت عليك رجعت الشخص العاقل المحترم 

إنت عارف ده معناه إيه ؟؟؟ 

معناه إن الإلكترون قبل ما نراقبه كان يعتبر موجود في كل مكان !! 

مش فاهم إزاي يعني  

يعني لما قولنا إن الحاجز اللي فيه فتحتين ده حطيناه في وسط البحر و جت موجة عدت خلال الحاجز ده 

و جيت سألتك يا ترى المياة عدت من الفتحة الأولى و لا الفتحة التانية ؟؟ 

هتقولي أكيد عدت من الفتحتين مع بعض  

طيب بلاش نغير السؤال .. ممكن تقولى فين ذرات المياة بالظبط في الموجة دي ؟؟ 

هتقولي يابني ما الموجة كلها ذرات مياة .. يعني ذرات المياة في كل مكان !! 

ده بالظبط كان حال الإلكترون .. إحتمالات وجوده كانت كتير جدااً و يعتبر كان في أناكن كتير في نفس الوقت 

و ده العلماء سموه ( Superposition Principle- مبدأ التراكب ) 

يعني الإلكترون لنا كان بيتحرك كموجة كان بيعدي من الفتحتين في نفس الوقت ! 

طيب لنا جينا فتحنا الكاميرات و رصدناه .. إيه اللي حصل ؟؟ 

عملية الرصد هدمت الدالة الموجية للإلكترون .. يعني التراكب ده إنهار 

و حصل حاجة سموها ( wave function collapse ) أو إنهيار للدالة الموجية 

ساعتها الإلكترون إختار إحتمال واحد يظهر عليه .. يعني إختار مكان محدد يظهر فيه و بالتالي دخل في فتحة واحدة بس مش في الفتحين مع بعض ! و لذلك كون على اللوحة شكل خطين زي ما قولنا زي اللي في الصورة كده مش شكل تداخل ! 

زي لما أُم البنت بصت عليك في المترو . حضرتك من ضمن إحتمالات التعبيرات الكتيراللي كانت على وشك إخترت إحتمال واحد بس . إخترت إيموشن واحد بس الست تشوفك عليه اللي هو إيموشن الشخص المحترم الهادي اللي عمال يبص في ساعته بعد ما كنت مهرج من شوية

يعني بإختصار 

الإلكترون موجود في كل مكان كإحتمالات لحد ما نرصده . فيتجسد في إحتمال واحد بس 

تعليقات الفيس بوك

تعليقًا

عن

شاهد أيضاً

فرحة العيد في عيون الأطفال : دعوة لأخذ الأطفال مثال لخلق الفرحة والسعادة من أبسط الأشياء !!!

جاء يوم العيد، يوم الخروج من الزمن إلى زمن وحده لا يستمر أكثر من يوم. …

%d مدونون معجبون بهذه: