هيلين كيلر … المعنى الحقيقي للتحدي 👌🏻

0
691
views

فضلت نص ساعة قاعد بتخيل إزاي أغمض عيني و أفتح ألاقي نفسي بقيت أعمى و أبكم و أطرش … يعني إيه ؟؟ فضلت أفكر طيب و هتواصل مع الناس إزاي .. لا هشوفهم ولا هسمعهم ولا هكلمهم !!!    

#هيلين_كيلر كل ما أقرا سطر عن الست دي أحس إني صغير أوي .. برغم إنها فتحت عنيها و هي طفلة لاقت نفسها مش عارفه تتواصل مع الناس و برغم كده إتعلمت الإنجلش و جاتلها معلمة إمها ” سوليفن ” عشان تعلمها كيفية التواصل 

بدأت تعمل إيه بقى ؟؟ في يوم أخدتها و راحوا عند حوض و فتحت الحنفية و حطت إيد الطفة هيلين تحت المياه و بدأت تكتب بصباعها على كف إيدها الحروف دي ( w a t e r ) المهم المعلمة بتقول إنها شافت إنبهار و عيون هيلين بتبرق علامة إنها فهمت ووصلها المعني .. فقالت حطت إيديها على الأرض و بعدين كتبت على كف إيديها الحروف دي ( E a r t h ) .. المعلمة بتقول على آخر اليوم كانت هيلين إتعلمت 100 كلمة و بدأت تعلمها إزاي تقرأ بطريقة برايل و بقت ترسملها خرائط العالم على أرض الجنينة و علمتها الجغرافيا بالطريقة دي و من هنا بدأ مشوار الكفاح و بقت من أشهر الأدباء و المحاضرين و النشطاء في أمريكا 

و حصلت على بكالوريوس علوم و فلسفة + إتعلمت 4 لغات غير الإنجلش ، ألماني و فرنساوي و لاتيني و يوناني  و مش كده وبس لا أخدت الدكتوراة في العلوم و الدكتوراة في الفلسفة  و بقت تكتب مقالات و تعمل محاضرات و ناس تجيلها من جميع ولايات أمريكا و مش كده وبس 

بدأت تكتب كتب كمان و ألفت 18 كتاب منهم : 

العالم الذي أعيش فيه ،أغنية الجدار الحجري، الخروج من الظلام، الحب والسلام، وهيلن كيلر في أسكتلندا… وإترجمت كتبها لـخمسين لغة. و كتاب “أضواء في ظلامي” وكتاب “قصة حياتي”

غير كفاحها عشان ترجع حقوق المعوقين و تعليمهم و ساهمت في إنشاء كلية لتعليم المعوقين و تأهيلهم و لفت العاااالم 

لو كتبت عنها للصبح مش هخلص !!!

تعليقات الفيس بوك

تعليقًا